კონფიდენციალურობის პოლიტიკა

ეს ყველაზე მნიშვნელოვანი ნაწილია — iclinic.ge ორ სხვადასხვა კონტექსტში სხვადასხვა როლს ასრულებს:

• ეს ვებგვერდი (iclinic.ge) — საინფორმაციო საიტი. აქ შემოსულ მონაცემებზე (მაგალითად, დემოს განაცხადი) გადაწყვეტილებას ჩვენ ვიღებთ, ანუ ჩვენ ვართ მონაცემთა დამმუშავებელი.
• კლინიკის სამუშაო გარემო (პლატფორმა) — იქ პაციენტების მონაცემებს ამუშავებს კლინიკა. კლინიკა არის მონაცემთა დამმუშავებელი, ჩვენ კი — უფლებამოსილი პირი, რომელიც მოქმედებს კლინიკის მითითებით და მასთან გაფორმებული მონაცემთა დამუშავების ხელშეკრულების (DPA) ფარგლებში.

ეს დოკუმენტი ეხება პირველს — ამ ვებგვერდს. პაციენტის სამედიცინო ჩანაწერების შესახებ იხილეთ ქვემოთ, თავი „პაციენტებისთვის“.

დემოს განაცხადის ფორმა

თქვენ თავად გვაწვდით:

• სახელი და გვარი, კლინიკის დასახელება, პროფილი, ქალაქი, ექიმების რაოდენობა;
• მობილურის ნომერი და (სურვილისამებრ) ელ-ფოსტა;
• კავშირის სასურველი გზა და დრო;
• თქვენივე დაწერილი თავისუფალი ტექსტი.

ტექნიკური მონაცემები

• IP მისამართი და ბრაუზერის იდენტიფიკატორი (user-agent) — მოთხოვნის მომენტში;
• სერვერის ჟურნალის ჩანაწერები (მოთხოვნის დრო, მისამართი, სტატუსი).

რას არ ვაგროვებთ

ამ ვებგვერდზე არ ვაგროვებთ ჯანმრთელობის მდგომარეობის მონაცემებს, პირად ნომერს და გადახდის მონაცემებს. საიტზე ანგარიშის შექმნა არ ხდება.

საიტი არ იყენებს სარეკლამო ან ანალიტიკურ ქუქიებს — Google Analytics, Meta Pixel ან მსგავსი მოკვლევის ინსტრუმენტები აქ ჩაშენებული არ არის. სწორედ ამიტომ ქუქიების თანხმობის ბანერსაც ვერ ნახავთ: სათანხმებელი უბრალოდ არაფერია.

საიტი გარე რესურსებიდან იყენებს მხოლოდ ორ სერვისს:

• Cloudflare Turnstile — ბოტების ფილტრი საკონტაქტო ფორმაზე. მას შეუძლია ბრაუზერში ტექნიკური ჩანაწერის განთავსება მხოლოდ იმის დასადგენად, ადამიანი ხართ თუ ავტომატი.
• cdn.web-fonts.ge — ქართული შრიფტების ჩატვირთვა.

• განაცხადზე პასუხის გაცემა და შემდგომი კომუნიკაცია — თქვენივე მოთხოვნისა და წინასახელშეკრულებო ურთიერთობის ფარგლებში.
• საიტის უსაფრთხოება, სპამისა და ბოროტად გამოყენების აღკვეთა — ჩვენი ლეგიტიმური ინტერესი (ყოველი განაცხადი რეალურ SMS-ს აგზავნის, ანუ ხარჯს წარმოშობს).
• კანონისმიერი ვალდებულებების შესრულება — როცა ამას კანონმდებლობა მოითხოვს.

განაცხადის მისატანად ვიყენებთ სერვისებს, რომლებიც მხოლოდ ჩვენი დავალებით მოქმედებენ:

• SMS Office (smsoffice.ge) — SMS-ის გაგზავნა;
• ელ-ფოსტის სერვისი (SMTP) — წერილის გაგზავნა;
• Cloudflare — ბოტების ფილტრი;
• Contabo GmbH — სერვერის ჰოსტინგი.

მონაცემებს არ ვყიდით და სარეკლამო მიზნით მესამე პირებს არ გადავცემთ. გადაცემა შესაძლებელია მხოლოდ კანონით გათვალისწინებულ შემთხვევებში, უფლებამოსილი ორგანოს კანონიერი მოთხოვნისას.

გულახდილად: შევსებული განაცხადი ცალკე ბაზაში არ ინახება. ის ჩვენს გუნდამდე მიდის SMS-ითა და ელ-ფოსტით, ანუ იმდენ ხანს არსებობს, რამდენსაც ეს შეტყობინებები.

• განაცხადები — ვინახავთ იმდენ ხანს, რამდენიც კომუნიკაციას სჭირდება, არაუმეტეს 24 თვისა თანამშრომლობის დაწყების გარეშე; შემდეგ იშლება.
• სერვერის ჟურნალები — ავტომატურად ბრუნდება (rotation) და ხანმოკლე ვადით ინახება.

ნებისმიერ დროს შეგიძლიათ მოგვწეროთ info@iclinic.ge და გთხოვოთ თქვენი განაცხადის წაშლა — ვასრულებთ.

ამ ვებგვერდისა და სადემონსტრაციო გარემოს სერვერი განთავსებულია ევროკავშირის ტერიტორიაზე (საფრანგეთი, Contabo GmbH).

კლინიკის სამუშაო გარემოს განთავსების ადგილი ცალკე განისაზღვრება — კლინიკის საკუთარ ინფრასტრუქტურაზე ან ჩვენს სერვერზე. კონკრეტული ადგილი ყოველთვის ფიქსირდება კლინიკასთან გაფორმებულ ხელშეკრულებაში, დანერგვის დაწყებამდე.

„პერსონალურ მონაცემთა დაცვის შესახებ“ საქართველოს კანონის შესაბამისად, თქვენ გაქვთ უფლება:

• მიიღოთ ინფორმაცია იმის შესახებ, თუ რა მონაცემებს ვამუშავებთ და რატომ;
• მოითხოვოთ მათი გასწორება ან განახლება;
• მოითხოვოთ დაბლოკვა, წაშლა ან განადგურება;
• მოითხოვოთ დამუშავების შეწყვეტა;
• გაასაჩივროთ ჩვენი ქმედება პერსონალურ მონაცემთა დაცვის სამსახურში ან სასამართლოში.

მოთხოვნა გამოგვიგზავნეთ მისამართზე info@iclinic.ge — პასუხს გაგცემთ კანონით დადგენილ ვადაში.

თუ თქვენ პაციენტი ხართ და გაინტერესებთ თქვენი სამედიცინო ჩანაწერები — ვის აქვს მათზე წვდომა, როგორ გაასწოროთ ან წაშალოთ — მიმართეთ უშუალოდ იმ კლინიკას, სადაც მკურნალობთ.

ჩვენ კლინიკას ტექნიკურად ვემსახურებით და მისი პაციენტების მონაცემებზე დამოუკიდებელ გადაწყვეტილებას არ ვიღებთ. კლინიკის მოთხოვნისას ტექნიკურ მხარდაჭერას რა თქმა უნდა გავუწევთ.

• მთელი ტრაფიკი დაშიფრულია (HTTPS);
• წვდომა როლებზეა დაფუძნებული — თანამშრომელი ხედავს მხოლოდ იმას, რაც სამუშაოდ სჭირდება;
• მნიშვნელოვანი მოქმედებები აღირიცხება აუდიტის ჟურნალში;
• რეგულარული სარეზერვო ასლები და მათი აღდგენის პერიოდული ტესტირება;
• საჯარო ფორმებზე მოთხოვნების სიხშირის შეზღუდვა და ბოტების ფილტრი.